Nëse ju dhe partneri juaj keni vendosur ndonjëherë të ndiqni të njëjtën dietë për të humbur peshë, ju mund të keni vënë re se ai është në gjendje të humbasë kilogramët e tepërt shumë më shpejt se ju. Diçka e ngjashme ndodh në të kundërt. Nëse të dy nuk ndiqni më një dietë specifike, gruaja grumbullon yndyrë më shpejt se burri.

Një studim shpjegon pse burrat humbin peshë më lehtë, ndërsa gratë më vështirë. Për tetë javë, pjesëmarrësit ndoqën të njëjtën dietë me yndyrë të ulët. Të dy gjinitë, gratë dhe burrat konsumonin gjithsej 800 kalori në ditë në formën e supave, drithërave dhe sallatave.

Rezultatet

Në përfundim të periudhës së provës, mjekët vërejtën se burrat kishin humbur mesatarisht 12 kilogramë, ndërsa gratë kishin humbur një mesatare prej 10 kilogramësh. Për më tepër, ata vunë re se pjesëmarrësit meshkuj përmirësuan shëndetin e tyre të përgjithshëm, humbën yndyrën e trupit dhe rritën masën e muskujve. Rreziku i diabetit ishtë zhdukur, pasi niveli i kolesterolit dhe sheqerit në gjak është ulur ndjeshëm.

Edhe pse gratë nuk humbën të njëjtën sasi të peshës trupore, ato ishin në gjendje të zvogëlonin më shumë yndyrë tek zona e ijeve. Sidoqoftë, dieta e rreptë ndaj të cilës iu nënshtruan bënë që ato të humbnin densitetin e kockave dhe masën e muskujve.

Përfundimi?

Sondazhi arriti në përfundimin se, burrat kanë një shkallë më të lartë të masës muskulore sesa yndyra. Kjo e bën metabolizmin e tyre më të shpejtë. Përkundrazi, gratë kanë më shumë yndyrë sesa muskuj. Dieta hipokalorike të cilës iu nënshtruan burrat ishte më agresive sesa në rastin e grave. Ata humbin shumë energji gjatë ditës sepse trupi i tyre ka një përqindje më të madhe të muskujve. Gratë grumbullojnë yndyrë dhe dhjam tek ijet, kofshët dhe vithet.

Metabolizmi nuk pëson asnjë ndryshim kur arrin të humbasë yndyrën në ato zona. Prandaj, humbja e peshës gjatë provës ishte më e ulët tek gratë, se tek burrat./eo/